« Fare piangere è meno difficile che far ridere. Per questo, teatralmente parlando, preferisco il genere farsesco. Sono sicuro che il dramma della nostra vita, di solito, si nasconde nel convulso di una risata, provocata da un’azione qualsiasi che a noi è parsa comica. Sono convinto che spesso nelle lacrime di una gioia si celino quelle del dolore. Allora la tragedia nasce e la farsa, la bella farsa, si compie. »Questo pensiero fu enunciato da Peppino De Filippo in una delle ultime interviste effettuate dalla Rai (Radio Televisione Italiana).
Giuseppe De Filippo detto Peppino nasce a Napoli il 24 agosto del 1903 e muore a Roma il 26 gennaio del 1980. E’ stato un attore, comico e drammaturgo italiano.Dopo varie esperienze con diverse compagnie teatrali, sempre in ruoli da generico, nel 1931 fonda con i fratelli (Eduardo e Titina) la Compagnia Teatro Umoristico: i De Filippo. È un’esperienza di grande successo: tournée in tutta Italia, nuove commedie, critiche entusiaste e teatri sempre pieni. Tuttavia nel 1944, per dissidi con il fratello Eduardo, Peppino lascia la compagnia. Non spiega nell’intervista i motivi per i quali si siano allontanati, ma il suo dubbio perenne faceva capolino alla gelosia di Eduardo per il successo ottenuto da Peppino. Qualcuno ha anche supposto che tale separazione era dovuta anche alla relazione che Peppino aveva iniziato con Lidia Maresca, che divenne poi la sua seconda moglie, ma lui non ha mai fatto parola di quella vicenda. Peppino entra in scena già da bambino rimanendo sulla scena per ben 66 anni.
Il suo sodalizio con Totò (Principe Antonio De Curtis) in diversi film ha dato vita ad una delle più celebri e acclamate coppie comiche del cinema italiano. I due attori, infatti, avevano una straordinaria intesa e capacità di compensarsi, e Peppino De Filippo può considerarsi senza dubbio il partner migliore di Totò (Antonio Focas Flavio Angelo Ducas Comneno di Bisanzio De Curtis Gagliardi). Ha lavorato anche con Federico Fellini e Alberto Lattuada in Luci del varietà.
Memorabile il personaggio inventato per la trasmissione televisiva Scala reale: Pappagone. Un umile servitore, al servizio del Cummendatore Peppino De Filippo, in cui convergono le tipiche maschere del teatro napoletano (Pulcinella e Felice Sciosciammocca), inventore di un gergo particolarissimo ed esilarante. I suoi ‘pirichè’, ‘ecquequa’, ‘carta d’indindirindà’ entrarono nel parlato comune divenendo modi di dire diffusissimi.
Nel 1957 venne definito il miglior attore non protagonista grazie al film Totò, Peppino e i fuorilegge. Ricevette anche delle onorificenze nazionali quali: Cavaliere di gran croce dell’Ordine al merito della Repubblica italiana e Grande ufficiale dell’Ordine al merito della Repubblica italiana.
Aggiungo una precisazione a correzione di moltissime recensioni che ho letto riguardo Peppino De Filippo. Lui era un amante convinto del teatro e ha sempre ritenuto importantissimo il rispetto nei confronti della teatralità e degli attori teatrali. Fino alla fine della sua carriera ha ritenuto che il teatro non potesse mai esser sostituito dal cinema in quanto come tale è una forma d’arte basata sul teatro. La cultura del teatro è la base del successo di un attore.
Antonio Cesario
Penziere antiche – di Peppino De Filippo
M’ ‘a ricordo ‘e dummeneca
d’ ‘o mese ‘austo
‘sta via Ruccella addo’ songo crisciuto
e mò nun ce sta cchiù:
sotto mieziuorno.
Aria, sole, guagliune!…
Traseva da ‘e balcune
‘n’aria frezzecarèlla,
‘n’arietta ‘e meza està
ca faceva respirà!
‘Nnante ‘e vasce
cu ‘e telàre aperte,
a ll’aria, ‘ncopp’ ‘e segge,
cuscine e coperte.
Llà ‘nu balcone chino ‘e gesummine,
llà, sott’ ‘o ffrisco ‘e ‘na perziana scesa,
‘na pianta d’erba cedra o ‘e resedà.
Che ghiurnate cujete!
Che ghiurnate d’està!
For’ ‘e balcune,
appise ‘nfaccia ‘o muro,
mazze ‘e sovère e mellune
sott’ ‘o càvero d’ ‘o sole
a mmaturarze p’ ‘o vierno.
Da fenesta a fenesta,
comme a ‘na festa,
camicette, lenzòle…
savaniélle!…
‘Int’ ‘e ccajole
canarie e cardellucce,
si pure prive ‘e libertà,
cantavano
e parevano felice ‘e campà!
Che ghiurnate cujete!
Che ghiurnate d’està!
A mmità strada
‘n’altarino addobbato
cu ‘e cannele appicciate
j ‘e sciùre annante.
‘Nfra quadre e quadrille,
gruosse e piccerille,
‘e vute ‘nnargentate:
quante!
Aria, sole, guagliune,
feneste, balcune!…
Attuorno attuorno
‘n’addore traseticcio
‘e cipolle e murzelle ‘e bancune
arresuliate a ffuoco lento
‘int’ ‘e tiane
pe’ ‘nu buono rraù.
E dint’ ‘e ‘nzalatiere, già spezzate,
o perciatielle o maccarun’ e zite.
Voce luntane:
“Cosce ‘e ronne e fiche trujane…!,
“ ‘Na bona perzianaaa!…”.
M’ ‘a ricordo ‘e dummeneca
d’ ‘o mese ‘austo
‘sta via Ruccella addo’ songo cresciuto
e mò nun ce sta cchiù.
‘O pentone d’ ‘o vico, ‘o canteniere,
‘ncopp’ ‘a vòtta,
sott’ ‘a frasca e ‘a bannèra,
sistemava cu ‘e mmane,
‘int’ ‘e sperlunche,
puparuòle ‘mbuttite, mulignane…
palle ‘e riso…
… “Pascalì, torna ‘a casa:
puozz’ essere acciso…”,
“ Carmilì, i’ lass’ ‘o guaglione
‘int’ ‘o spurtone…
stance accorta!…”.
Aria, sole, guagliune…
feneste, balcune!
Cchiù ‘nnante ‘o tabbaccaro
cu ‘a miccia ‘mmocc’ ‘a porta
ca mò se stutava
e mò s’appicciava…
tanto ca chi vuleva
veramente fumà
‘na scatola ‘e cerine
traseva a s’accattà!
Da ‘e ffeneste panare e panarielle
scennevano
e saglievano
chine e vacante:
“Signò, acalate…
aizate!”.
A ‘nu primmo piano
‘a casa ‘e don Vicienzo ‘o parulàno,
ommo ‘e denare;
‘na casa allera:
senza penziere!
Tre figlie gruosse e quatte e piccerille,
don Vicienzo e ‘a mugliera.
‘Na casa ca o pe’ cchesto o pe’ chell’ato
steva sempe ammuinata.
Tavole e tavulelle pe’ chi traseva:
‘o cumpare ‘a cummara,
‘o cainato, ‘o cugino,
quacche parente caro…
se faceva sempe festino.
Appena fatto sera
‘e lluce appicciate
e ‘mmiez’ ‘a stanza
tutt’illuminata
‘a tavula apparicchiata:
‘na ‘mpepatella ‘e cozzeche,
‘na ‘nzalata mmiscata…
alice ‘nturtiera.
E ‘nterra, dint’ ‘e cate cu ‘a neva,
pèrzeche, percòche
e asprinio ‘int’ ‘e periette.
Se magnava e se redeva.
‘Na casa allèra:
senza penziere!
Cchiù llà, dint’ ‘a ‘nu vascio
cu ‘o telaro accustato,
tanto pe’ fa’ trasì ‘na lenza ‘e sole,
‘na figliola rassignata
cu ‘a faccia janca
e stanca,
‘nfussat’ ‘int’ ‘a ‘nu lietto,
pe’ bbia ‘e ‘na tossa ‘nfama,
ca nun lle deva né pace né arricietto,
pregava ‘Addulurata
cu ‘a lampa appicciate ‘nnante
‘ncopp’ ‘o cummò.
E chellu ppoco ‘e sole ca traseva
da ‘o telaro accustato…
‘na speranza nce ‘a deva!
Cchiù ‘nnante,
cu ‘a faccia avvampata ‘e calore,
aret’ ‘o bancone,
‘o pizzajuolo
‘nfurnava
e sfurnava
cazune ‘mbuttunate cu ‘a ricotta
e pizze a ogge o otto:
“Pronto, mò esce:
briosce…
magnateve ‘stu ‘mbruoglio:
‘a lav’ ‘e ll’uoglio…!”.
‘O palazzo ‘e rimpetto
‘ncopp’ ‘o marciappiero,
dint’ ‘e caniste sotto ‘a tarlatà,
freselle ‘nzuccarate e taralle:
“Sale e pepe cu ‘a ‘nzogna, tarallarooo…”.
Guagliune e guagliuncielle
ca currevano felice
e felice nce currevo pur’i’.
“ ‘O tarallo cu ‘e passe,
zucchero e butirro…
‘a palatella,
‘a bacchettella,
comme se sfruculéa chistu tarallo! ».
E me ricordo ‘nu balcone ‘nchiuso
ca nun s’aveva guardà.
Arèto nce chiagneva ‘na figliola
ca campava sola
e teneva ‘o marito carcerato…
pe’ bbio ‘e ‘nu nnammurato
… ca nun nce steva cchiù!
Appriesso ‘o nevajuolo
cu ‘e butteglie ‘e gazzose
‘nzerrat’ ‘int’ ‘o cascione
miso a ‘o ffrisco aret’ ‘o purtone
e ‘ncopp’ ‘o canisto cu ‘e limone
d’ ‘e ciardine e Surriente e Villanova.
Che friscura ca deva
passannoce vicino
e ch’ addor’ ‘e neva!
Appriesso, tre scaline,
e se scennev’ ‘int’ ‘a da zarellàra.
Quanta cose ammuinate
dint’ ‘a chella vetrina
cu ‘e llastre sengate:
buttune, fettuccelle,
nastre culurate,
rucchielle ‘e cuttone e pazzielle.
Fore, appiso sott’ ‘a porta,
‘o mazzo d’ ‘e pupe:
‘o prevete, ‘a morte,
‘a riggina cu ‘o rre, pulecenella!
Nce currevo ‘accattà ‘a carta velina
pe’ fa’ pallune ‘e carta
e catenelle.
‘A sera, quanno ll’aria
se faceva liggiera e frisculella,
quanta canzone doce
pe’ llogge e luggetelle
cantate a filo ‘e voce:
“Io te vurrìa vasà…
io te vurrìa vasà…
ma ‘o core nun m’ ‘o ddice
‘e te scettà…
‘e te scetà…!”.
D’ ‘a caserma vicino, a San Pascale,
‘nu signale:
‘o silenzio!
Chella tromba pareva ca sunava
pe’ tutte quante.
E ognuno s’accujtava
penzanno quacche cosa:
‘na casa luntana,
‘na partenza vicina…
a ‘nu pate, a ‘na mamma, a ‘na sposa.
E p’ ‘e ciardine attuorne
quanta vase e prumesse ‘e giuventù.
M’ ‘a ricordo ‘e dummeneca
d’ ‘o mese ‘austo
‘sta via Roccella addo’ songo crisciuto
e mò nun ce sta cchiù!
E m’ ‘a ricordo, sì, sotto Natale:
acqua e gelo…
feneste ‘nzerrate
cu ‘e llastre appannate.
A ‘e fierre d’ ‘e balcune
pullanchelle attaccate e capùne.
‘Nnanz’ ‘e vasce,
furnacelle e vrasiére
mise all’aria aperta
p’attezzà ‘o ffuoco:
e a poco a poco ‘o ffuoco s’attezzava
…e s’avvampava.
‘Ncopp’ ‘e marciapiere,
a fila a fila,
bancarelle ‘e pasture e pazzièlle:
‘e Re Magge,
‘o vojo cu ‘e ppecurelle,
‘a stella mattutina cu ‘a frezza!…
Dint’ ‘e ccase se squagliava ‘a nzogna
e ‘o fummo e ‘addore parevano ricchezza!
‘Mmiez’ ‘a strada,
vicino o luntano,
‘o suono ‘e ‘na zampògna!
A mezanotte, gruosse e piccerille,
‘mmiez’ ‘a via
‘nnanz’ ‘a Madonna
tutte addenucchiate
a pregà Gesù e Maria
pe’ ‘na grazia o ‘nu perduòno.
E nun ce steva ‘na casa, triste o allèra,
ca nun metteva ‘o Bammino dint’ ‘a rotta.
Tracche, bengale, botte…
che frastuòno.
E m’ ‘a ricordo pure ‘mprimmavera:
che schiuppate e viole
p’ ‘e llogge e p’ ‘e balcune sott’ ‘o sole.
Aria gentile e tupella:
aria bella,
aria sincera!…
Quanta, quanta mutive
turnavene pe’ ll’aria a suspirà:
“Rose e che belli rrose…
e torna maggio…”.
M’ ‘a ricordo ‘e ‘sti tiempe
‘a via Ruccella addo’ songo crisciuto…
e mò nun ce sta cchiù!